• Berita Terkini

    Sabtu, 27 Mei 2017

    Kemplu Buka Puasa

    WULAN puasa kiye Jon Kemplu ana kemajuan, sing biasane ora tau puasa Alhamdulillah siki melu puasa. Sore kuwe karo nunggu buka deweke katon asyik banget nonton tivi. Nang meja wis disiapna panganan karo jajanan apa bae ana.

    Pokokoke pas awan mau weruh pangan sing mengini mesti dituku nang Kemplu . “Jan... bukane deneng esih suwe temen ya,” batun Kemplu .

    Pas agi nonton tivi ujug-ujug ana suara.“Tok... tok... tok... Mas Kemplu ,,!! Bukaaaaa,,!!! Ora suwe ana suara maning.

    “Tok... tok... tok... Mas Kemplu ,,!! Bukaaaaa,,!!!

    Krungu suara kaya kuwe Kemplu langsung mbatin“Alhamdulillahh!!! tetek ulih sedina puasane,” Kemplu mbatin.


    Ora nganggo suwe Kemplu langsung bae njiot piring sing wis lengkap ana sega karo lawueh terus bae diembat. Tapi pas agi mangan, Kemplu esih krungu suara
    sing ngongkon buka mau.

    “tok tok tok” “Mas Kemplu ,,! Buka Mas Kemplu ,,!!Cepetann,,!! Krungu kaya kuwe Kemplu melu bae ngorong-ngorong.

    “Iyaaa, ya...,kiye nyong agi buka.., crewet temen sih!! tapi ya maturnuwun wis ngemutana kon buka, jan enak banget kiye panganane..!!

    Kemplu gole ngomong karo ngorong-ngorong. Tapi mbarang kaya kuwe wong sing mau ngomongbuka ngomong maning.

    “Hah??! Mas Kemplu !! Maksude nyong bukakna lawange, dudu buka puasa Mas Kemplu ...,

    "aduhhh!!” jebul Pak RT sing ngomong njaluk dibukakna lawang arep njujugna undangan kumpulan RT. “Wuekkk,,!! Aseemmmm tek kira inyong wis buka
    puasa, ah tanggung lah....,”Kemplu semaur. (*)

    Berita Terbaru :


    Scroll to Top