• Berita Terkini

    Thursday, May 25, 2017

    Bakul Jengkelan

    DINA kuwe Kemplu mulai usaha dodolan barang elektronik. Ndilalah mba rang tembe bukak wis ana wong mampir meng tokone.

    “Wah gasik kiyeh wis ana sing mampir, moga moga dadi duit,” batin Kemplu .“Melu ndeleng-ndeleng sit ya mas,” wong sing jene nenge Mr Daplun takon.

    “Ya kena kadar ndeleng ikih, asal aja nyolong baen,” Kemplu semaur.

    Daplun banjur ngileng ngileng barang -barang nang tokone Kemplu . “Tivi layar datar kiye piraan mas,” Daplun takon.

    “Sing endi?” Kemplu takon.

    “Sing kiye sing gede,” Daplun semaur.

    “Oh nek kuwe enem juta,” Kemplu semaur.

    “Lah nek kulkas dua pintu kiye piraan,” Daplun takon. “Oh nek kulkas kuwe tiga jutaan,” Kemplu semaur.

    “Lha nek sing satu pintu pira,” Daplun takon.

    “Ana sing sejuta tekan 2juta."

    “Lah nek rega vcd ?” Daplun takon.

    “Murah kuwe mas, rongatus ewu ya wis ulih apik,” Kemplu semaur maning.

    Ditakoni tok tapi ora tuku tuku Kemplu sing wonge ora sabaran mulai mandan kesuh.

     “Telung jutanan !!!,” Kemplu gole semaur suarane mandan seru senajan Daplun urung takon.

    .
    “Waaah barange larang larang ya ? Ana tablet sing murahan ora mas?” Daplun takon.

    “Ya ana tablet turun panas regane rong ewu mangatus...rungokna ya kur rongewumangatus ulih patang tablet,” Kemplu semaur karo lunga. (*)

    Berita Terbaru :


    Scroll to Top