• Berita Terkini

    Tuesday, November 8, 2016

    Kemplu Diomehi Pak Wali Kota

    KEMPLU kie critane anu pemimpin redaksi (Pimred) Koran lokal nang Kota Sukamundur. Dina wingi, deweke gawe berita gede banget. Judule. "50 Persen Pejabat Sukamundur Koruptor".

    Akhire brita kue tekan walikota Sukamundur. Ora nganggo mikir maning, Walikota Sukamundur ya Daplun ngundang Kemplu. "Ini saudara kalau bikin berita yang bener. Berita dengan judul "50 Persen Pejabat Sukamundur Koruptor" ini  jelas fitnah. Kami tuntut saudara.." ujare Walikota Daplun ngamuk-amuk.

    Kemplu jane ya mandan keder. Ning, sebagai pimpinan perusahaan koran, Kemplu ya ora gelem kalah. "Aja kaya kue Pak Walikota. Kabeh ana prosedure. Nek dianggep salah ya sampeyan bisa aweh hak jawab. Ngko judule tek ralat e (judule diganti ben bener)," omonge Kemplu.

    Walikota Daplun akhire ngalah. Kemplu kon ngralat judul  "50 Persen Pejabat Sukamundur Koruptor" sing dianggep salah mau.

    Esuk-esuk, walikota Daplun wis prentah ajudane goleti koran terbitane Pimred Kemplu. Bareng wis cekel koran, walikota Daplun langsung golet berita soal pejabat koruptor. Pancen ana beritane, judule ya gede banget nang halaman ngarep. Judule: "50 Persen Pejabat Sukamundur Bukan Koruptor"

    GLUBRAGGG. Walikota Daplun semaput. Dadi jaganan anak buahe. Bareng sadar: Owalah KEMPLUUUUU dasar Kemplu............"" (*)

    Berita Terbaru :


    Scroll to Top