• Berita Terkini

    Thursday, January 28, 2016

    Nglamar Dadi Petugas Penjaga KA

    KEMPLU pancen Kemplu. Bola bali nyambut gawe, bola bali dipecat. Meh kabeh profesi wis dilaokoni. Kawit dadi sales malah terakhir mlebu penjara gara-gara dadi terduga teroris.
    Bareng metu penjara, Kemplu nglamar maring PT KAI, kepengin dadi petugas penjaga perlintasan kereta api. Wingi, wawancara karo Direktur PT KAI, Bos Daplun.
    "Okeh. Sampean tek tes ya Mas," omonge Daplun.
    "Ya Bos..." jawabe Kemplu.

    "Rika kan ngalamar dari petuga penjaga perlintasan sepur. Siki nek ada sepur loro arep-arepan padha-padha mlayu banter, kira-kira apa sing sampeyan kerjakan?" takone Bos Daplun ngetes.

    "Aku ngurubna lampu tanda bahaya,Pak.." jawabe Kemplu mantep banget.

    "Lha nek lampune rusak?" takone Bos Daplun maning.

    "Aku ngurubna lampu darurat.." Kemplu esih pinter njawab.

    "Lha nek lampu darurate wis ora padhang murube alias bureng?" takone Bos Daplun.

    Kemplu meneng. ora let suwe, dheweke ngomong. "Wah aku kudu ngundang Bapakku, Ndoro Semprul Bos..." jawabe Kemplu.

    "Wuiss, lah memange Bapake rika bisa ngapa?" takone Daplun.
    "Ya ora sih Pak. Cuma deweke seumur-umur urung tau weruh sepur tabrakan.." jawabe Kemplu kalem.
    GLUBRAKKKK............."Yunggg.." (*)

    Berita Terbaru :


    Scroll to Top